TRIUMFI/ Erdogan, fjalim fitoreje për Nago-Karabakun: Rradhën e ka Siria!

HomeLajmeBota Islame

TRIUMFI/ Erdogan, fjalim fitoreje për Nago-Karabakun: Rradhën e ka Siria!

Presidenti turk Rexhep Tajip Erdogan përgëzoi Azerbajxhanin dhe presidentin Ilham Aliyev për çlirimin e territorit të pushtuar të Karabakut. Duke

Mjet shpërthyes në vendin ku pritet të ndërtohet Xhamia e Madhe në Prishtinë?
Egjipt, vazhdojnë portestat kundër regjimit të Sisit
Libia dënon kërcënimin e presidentit egjiptian për “ndërhyrje ushtarake”


Presidenti turk Rexhep Tajip Erdogan përgëzoi Azerbajxhanin dhe presidentin Ilham Aliyev për çlirimin e territorit të pushtuar të Karabakut.

Duke kujtuar marrëveshjen e nënshkruar midis Azerbajxhanit dhe Armenisë në lidhje me Karabakun, Erdogan vuri në dukje se territori azerbajxhanas, i cili nuk është çliruar ende, dhe pjesët e mbetura në Karabag, do t’i lihen Azerbajxhanit.

“Sipas marrëveshjes, Armenia do t’i dorëzojë Kalbajarin Azerbajxhanit deri më 15 nëntor, Agdamin dhe Kazakun deri më 20 nëntor dhe Lachinin deri më 1 dhjetor. Një lidhje komunikimi do të vendoset midis Azerbajxhanit dhe provincës autonome të Nakhchivanit, dhe një rrugë do të ndërtohet për këtë qëllim. Azerbajxhanasit e zhvendosur do të kthehen në shtëpi nën mbikëqyrjen e Komisionerit të Lartë të KB për Refugjatët,” i tha Erdogan grupit parlamentar të Partisë për Drejtësi dhe Zhvillim, duke shtuar:

“Turqia, së bashku me Rusinë, do të jetë në forcën e përbashkët paqeruajtëse që do të formohet në atë zonë për të monitoruar dhe kontrolluar zbatimin e marrëveshjes.

Një memorandum mirëkuptimi në lidhje me Qendrën e Përbashkët Turko-Ruse, të cilën ne do të formojmë për të kontrolluar dhe monitoruar armëpushimin, u nënshkrua këtë mëngjes. Qendra do të krijohet në territorin azerbajxhanas të çliruar nga pushtimi.

Qendra do të marrë të gjitha masat për të parandaluar shkeljet e armëpushimit në Nago-Karabak. Kështu, pushtimi i territorit Nago-Karabakut, i cili zgjati 28 vjet, do të bëhet zyrtarisht dhe de facto i Azerbajxhanit. Karabagu përsëri po bëhet një zonë e sigurt, kështu që po zë një vend të qetë në hijen e gjysmëhënës”, detajoi Erdogan.

“Ne, së bashku me vëllezërit azerbajxhanas, përjetuam dhimbjen e fëmijëve të vrarë, grave dhe të moshuarve në Khojaly dhe qytete të tjera të Karabakut, ku të gjithë kemi qarë së bashku. Kur Armenia filloi të sulmonte përsëri territorin azerbajxhan me gjithë zemrën dhe mundësitë tona, ne ishim me vëllezërit azerbajxhanas dhe kontribuuam në procesin që do t’i japë fund këtij okupimi. Në kundërshtim me vrasjet e kryera nga Armenia, duke sulmuar vazhdimisht vendbanimet civile, do të sigurohet që të mos dëmtohen më civilë”, tha presidenti turk, duke shtuar:

“Shteti i Azerbajxhanit, siç ka qenë rasti deri më sot, ka premtuar se asnjë civil nuk do të dëmtohet nga tani e tutje. Unë falënderoj diplomatët tanë, këshilltarët ushtarakë dhe të inteligjencës që kanë bërë çdo përpjekje për të çliruar Karabakun dhe territoret e okupuara. Karabaku është bërë përsëri territor azerbajxhanas.

Shpresoj që në të ardhmen të ndërtojmë një të ardhme të përbashkët së bashku me një bashkëpunim shumë më të ngushtë dhe më të fortë me Azerbajxhanin. Në procesin e ndryshimit që po ndodh në rajonin tonë dhe në botë, vendet tona, krah për krah si dy vende vëllazërore, do të ngrihen dhe do të arrijnë së bashku qëllimet tona”.

Ai shprehu shpresën se një periudhë paqeje dhe sigurie do të fillonte së shpejti në Siri, si dhe në Karabak.

Erdogan nuk harroi të bënte dhe dy krahasime, kur tha se “ata që ishin vëzhgues të heshtur në Qipro, si dhe para masakrave në Bosnjë në vitet 1990, i injoruan masakrat”. në Karabak”. /tesheshi.com/

COMMENTS